tunisia-best
مرحبا بك في منتدى الإبداع،منتدى تونيزيا باست،نحن ننتظر مساهمتك و مواضيعك المميزة.دمتم في صحة جيدة.

حبيبي لزرعلي في ضميري غصة

اذهب الى الأسفل

حبيبي لزرعلي في ضميري غصة

مُساهمة من طرف etoile في الإثنين سبتمبر 20, 2010 1:39 pm

وهذه قصيدة للبرغوثي :حبيبي لزرعلي في ضميري غصّة:



حبيب ان زرعلي في ضميري غصة *** منكبدتي منبت هواه نڤصـــــة
حبيبي ان زرعلي في ضميري حسيفة *** من غير لادرتش معاه حساف
نحساب ما عندي حبايب كيفــــه *** و نحساب حبه ما معاهخــــلاف
حطيت ڤدره فوڤ راس حديفــــة *** و هزيت ثڤله فوﭪ مل الأكتــــاف
وفرشتله فوڤ الحصير ڤطيفـة *** و بسطله طرز الحرير أصنــــاف
عامين و الثالث يحولخريفه *** في طاعته نجري بلا توڤـاف
إذا غاب نبكي بالدموع سخيفة *** إذا مرضنتمرَّض بلا تسخــــاف
هذاك حدي فوﭪ من تشريفه *** و هذاك حدي فوت مالتشراف
و جريت جرية من ڤداه نظيفة *** نحساب ما عدتش معاه نخاف
حياني الحييجابد علي سيفه *** و زود ضربني لاستــــحى لا راف
نستاهل التغربز و التطويفـة *** نستاهل التكتيف و التشعاف
و نستاهل يديرو علي تخريفة *** آش ڤالك مجنون راسهخــــاف
أني زهفت و خلوﭪ الصغير زهيفة *** رمتني على صحبة عباد ڤصاف
ولِّيتمستهزب و واكل جيفة *** و ندمت و لحڤني الندم بالزاف
***
لحڤني الندمبزايــــــــــــــــــد *** و كويت فوڤ إيدي ثلاث جرايد
و شعفت من بني الحجرالبايد *** شهرين يتڤضڤض يصوب رصه
نوصيك يا مغفول بره حايــــد و ***اللي انكوىمعادشي يتوصَّى
***
حبيب انزرعلي في ضميري علة *** تشغشب دليلي ما بڤيتندل
نحساب ما درتش معاه الزلة *** و ما نحسبه طول الزمان يزل
ملّكتله عڤليخذاه بكلّه *** و جوجيتله بين الجواجي حل
فرّغتله ڤلبي نزل في ضلّه *** موحال لاواحد معاه نزل
في طاعته نجري نعم باسم الله *** و في خدمته نخدم بغيرملل
عامين ما ندري ثلاثة والله *** جمَّعت محاسيبهم علي ضل
عديتهم بينالصفا و الذلـــــــة *** و شربت مرَّار الحبيب عسل
على خاطره حملت الڤطر و بلة *** و خشِّيت في غارق الطين وحل
نحساب لا خاب الزمان و خلَّى *** نلڤى حبيبي مامعاه خلل
حياني الحيي ربط أن ربطه حله *** بدِّل غلايا باعني و ردَّل
ستندمتهاني من الندم نتڤلَّى *** و شكِّيت في فكري أني المختل
خلِّيت ما تحرث أنقاضالتلة *** و حرثت في سيخة لبز و طل
نحساب يڤوى زرعها يتعلَّا *** تحضرت للصابةبكل شغُل
ضرب ملحها يبست غدت مصلَّى *** لطم زرعها بعد النّبات بْطُل
لا دامتلا نڤلت لا خبِّت *** لا حصّلت بين الحصائص حصة
ثبِّت في الناقص بديت نثِت *** وفِّيتله نلقاه فيه الخصَّة

etoile
عضو مميز
عضو مميز

عدد المساهمات : 30
نقاط : 3088
تاريخ التسجيل : 15/08/2010

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى